طريقة وضع مانيكير الكافيار

اعزائي بنات حوا, النهاردة هنشوف مع بعض طريقة من اجدد الطرق للمانيكير, غير تقليدية والنتيجة في النهاية بتجنن, مانيكير الكافيار.

 1- أول خطوة اننا نحط طبقة المانيكير الشفاف.. وده مهمة جد عشان تحافظ على الأظافر نفسها إنها متتقصفش ومتتكسرش.

2- تاني خطوة, اننا نختار لون مناسب إنه يكون الطبقة الاساسيه اللي تحت الكافيار ولازم يكون لايق على لون حبيبات الكافيار طبعا , ونقوم بوضعها بعناية

3- تالت خطوة وده اهم خطوة, لازم تكوني محضرة طبق أو أي سطح عشان تقومي بوضع حبيبات الكافيار عليه ولما تقع منك تعرفي تجمعها تاني وترجعها للعلبة, وبعد كده تقومي بوضع حبيبات على الاظافر قبل ماتنشف

4-جيبي قلم أو حاجة طويلة مدببة وثبتي الحبيبات على الأظافر وشلي الزيادة

5- نقوم بوضع طبقة شفافة فوق الحبيبات عشان تتثبت وتكتسب لمعان

 في معرض الصور جمعنلكم أحلى أشكال مانيكير الكايفيار, يا رب تنال اعجبكم

وممكن تتفرجوا على الفيديو ده اللي موضح الطريقة خطوة بخطوة: