5 نصايح مهمة في الفلانتين

بقلمسارة جمال فيعلاقات visibility1062

كل سنة وأنتم طيبين بمنسابة الفلانتين, وحبنا اننا نشارك زوارنا الاعزاء ب 5 نصايح مهمة في الفلانتين عشان تخليكم تقضوا يوم ممتع من غير أي لحظة نكد!

1-هاي هوبس: بلاش في اليوم ده تكوني حاطة “هاي هوبس” يعني أحلام وطموحات إن شريك حياتك هيعملك أحلى فالنينتين وهيجيبلك أحلى هدية وكل الكلام ده, لأن فيه رجالة كتير جدا مش بتهتم بالاحتفال بالمناسبة دي, عشان كده له ده أول عيد حب ليكم مع بعض, يفضل إنك تتكلمي معاه أو تعرفي رايه إيه في الموضوع وتحطو خطة اليوم سوا بدل مايجيلك إحباط ويقلب معاكي بنكد.

2- هديتوا ليكي: معظم الستات بيقيموا حب الشريك ليهم على حسب قيمة الهدية.. ده تفكير غلط جدا وممكن يسبب مشاكل كتيرة, في يوم زي ده حاولي تبصي للبريت سايد من الموضوع وهو إنه افتكر وتعب نفسه وجاب هدية, موضوع القيمة ده بقى داخل فيه حاجات كتيرة منها مثلا إنه يكون مش معاه فلوس عشان يجب أغلى حاجة أو إنه زي ماقلنا في النقطة اللي فاتت مش بيهتم بعد الحب ومش بيشوفوا مناسبة كبيرة.

3-عيشي اليوم: أحلى حاجة في اليوم ده إنك تحتفلي بيه طول اليوم! بمعنا إنك ممكن مثلا تبدأي بفطار فالسرير في بداية اليوم, وممكن في أثناء اليوم تبعتيله SMS أو مثلا تكوني مخبية نوت وكتباله فيها اد إيه إنتي بتحبيه وسعيدة إنك هتحتفلي باليوم ده معاه, وإنك مستنية احتفالكم مع بعض بفارغ الصبر.

4-الحجز: يوم زي ده بيكون زحمة جدا وكل الناس بتبقى عاملة حسبها من قبلها بفترة, عشان كده لازم تتفقو هتروحوا فين وتكونوا حجزين من قبلها عشان اليوم ميبوظشي.

5-هديتك ليه: هدية الفالنتين غالبا بتكون مختلفة عن هدية اعياد الميلاد أو عيد الجواز, المفروض إنها تكون هدية رومانسية في المقام الأول, عشان كده حولي تبعدي عن الهدايا العملية زيادة عن اللزوم وفكري في إيه هدية ممكن تخليه سعيد وتنسيه ضغوت الشغل والحياة.