4 وصفات عشان شعر طويل وصحي
مين فينا مش نفسها شعرها يبقى طويل وصحي؟ بس للاسف مش كل حاجة نفسنا فيها بنلقيها…
فيه شوية مشاكل كده بتقابل كل البنات اللي شعرها طويل, على سبيل المثال التقصف و تساقط الشعرو دول بيبقوا نتيجة حاجات كتيرة, زي الإستعمال الكتير للهير دراير (السشوار) أو الكلور الموجود في المية وكمان ممكن من الاتربة اللي موجودة في الجو.
طيب وإيه الحال؟ احنا في بنات حوا بنقدملكم 4 طرق سهلة وبسيطة لكل بنت شعرها طول عايزة تحفظ عليه ولكل بنت عايزة تطول شعرها
1-وصفة زيت الخروع
اعملي حمام زيت الخروع لشعرك ثم لفيه بفوطة دافية وسيبه لمدة ربع ساعة. كرري هذه الطريقة 3 مرات في الأسبوع وهتشوفي الفرق.
2- وصفة الثوم
ايويا متستغربوش.. التوم ليه فوايد في موضوع تطويل الشعر, مع إنه ريحته هتبقى صعبة بس فعلا النتيجة هتكون مذهلة, أخلطي مقادير متساوية من زيت الثوم وزيت الخروع وزيت اللوز وزيت جوز الهند، حطيها على شعرك لمدة 15 دقيقة وبعد كده إغسلي شعرك كويس جدا. كرري هذه الخلطة 3 مرات في الأسبوع.
3- وصفة الترمس
الموضوع بسيط, كل اللي هتعمليه إنك تطحني الترمس الخشن وتنقعيه في الماية يوم كامل،وبعد كده غسل الشعر بماية الترمس بعد تصفيته. قرري الطريقة أكتر من مرة وهتلحظي إن الشعر بدل يطول وينمو لأ وكمان الترمس بيساعد على فرد الشعر.
4- وصفة العسل
أخلطي 3 معالق كبيرة من العسل في كوباية ماية سخنة وقلبيها كويس، وبعد كده حطيه على شعرك وسيبه من غير ماتغسلييه, قرري الموضوع 3 مرة في الأسبوع وال نتيجة مضمونة!
آخر نصيحة بقى لكل البنات, بلاش موضوع لم الشعر فالبيت! سيبوا شعركم يتنفس من وقت للتاني وكمان لازم تجربه موضوع قص الطراطيف مرة كل شهر, صدقوني هتحسوا بفرق.
