3 نصايح للسينجل في الفلانتين!
المقالة ده لكل ولد وبنت سينجل في الفلانتين ! إزاي ممكن تقضوا يوم جامد جدا وتحتفلوا وأنتم سينجل؟
بصوا بقى , طبعا اليوم ده الواحد أول لما بينزل من البيت بيلاقي كل حاجة بقت حمرا… ورد احمر, دباديب حمرا, و ناس خير اللهم اجعله خير لابسة احمر في احمر!
أول نصيحة هي: دلع نفسك!
بما انكم في اليوم ده لو كنتوا هتقضوه مع حد كان طبيعي انكم هتدفعوا فلوس كتير في هدية و ورد و شوكلت, ممكن تصرفوا نفس الفلوس دي بس على نفسكم, من الاخير يعني جيب لنفسك هدية وليه لأ؟!
تاني نصيحه و ديه مهمة جدا: بلاش تتهوروا وتكلموا حد من الاكسيس بتعكم “ex-boyfriend أو ex-girlfriend”
النصيحة ده بقى مهمة قوي قوي لانها ممكن تخليكم تلبسوا طول حياتكم عشان قرار متهور في لحظة ضعف وافتكروا دايما انكم في اليوم ده هتكونوا بتفتكروا بس الحاجات الحلوة بتاعت الشريك ده ومش هتفتكروا الحاجات الوحشة.. أنا بقولكم أهوه بلاش تهور!
تالت نصيحة: احتفلوا!
دلوقتي بقى غير زمان و فيه حفلات كتير قوي بتتعمل للناس السينجلس, جمعوا اصحابكم السينجل و روحوا احضروا مع بعض حفلة من دول وهتقضوا وقت ممتع جدا ومين عارف مش ممكن تقابلوا حد سينجل برده هناك؟! ;)
