وصفة الكاكاو لتكثيف الشعر ومنع التساقط

الكاكاو بيحتوي على الفيتامينات زي فيتامين C وفيتامين D, بالاضافة للمعادن زي الحديد, الكالسيوم, المغنسيوم, والبروتين وغيرها من العناصر الغذائية اللي بتساعد على تغذية الشعر وتكثيفه وتسريع نموه ومنع التساقط.

المكونات:

صفار بيضة.

1/2 كوباية لبن رايب.

معلقة كبيرة كاكاو خام من غير سكر.

الطريقة:

اخلطي المكونات كلها مع بعض كويس, وبعدين قسمي الشعر لخصل وابدأي حطي الخليط على كل خصلة من الجذور للاطراف, بعد ما تخلصي الشعر كله غطيه بكيس بلاستيك, سيبيه لمدة 30 دقيقة وبعدين اغسليه بالشامبو ومية فاترة, كرري الوصفة 3 مرات في الاسبوع لحد ما توصلي للنتيجة المطلوبة.

ملحوظة: لو شعرك اشقر او فاتح ومش عايزة تغمقيه متستخدميش الوصفة لان الكاكاو هياثر على لون الشعر وهيديه لون بني شوكولاتة.