وصفات لجمال البشرة والجسم باستخدام الفانيليا

ريهام محمود
ريهام محمود
2149

كلنا اكيد عارفين في الفانيليا انها بتدخل في كتير من وصفات الحلويات, لكن احنا النهاردة هنستخدمها استخدام مختلف خالص, هنستخدمها لجمال البشرة والجسم, وهنشوف مع بعض اكتر من وصفة داخل فيها الفانيليا.

وصفة الفانيليا لتنعيم الجسم:

لبشرة ناعمة جدا زي بشرة اطفال اخلطي من 2 – 3 معالق كبيرة فانيليا مع معلقتين كبار لبن سايل وعليهم كام نقطة مية ورد, وزعي الخليط على البشرة ودلكيه لمدة 10 دقايق, وبعدين اغسلي الجسم بالمية.

وصفة الفانيليا لتبييض المناطق الحساسة:

اخلطي كيس فانيليا صغير تقريبا بمقدار 1/4 معلقة صغيرة وضيفي عليها معلقة صغيرة نسكافية او بن, وبعدين ضيفي معلقة صغيرة عصير ليمون ومعلقة صغيرة مية ورد او زيت ورد, قلبي المكونات مع بعض كويس ولو لقيتي الخلطة سايلة اوي ممكن تزودي لها شوية نسكافية او بن حسب اللي هتستخدميه المهم قوامها ميكونش سايل اوي ولا سميك اوي, بعد ازالة الشعر من المنطقة الحساسة اعملي لها تقشير باي نوع مقشروبعدين اغسليها بالمية ونشفيها كويس, وحطي عليها الخلطة ودلكيها في حركات دائرية لمدة 5 دقايق, وبعدين سيبيها على المنطقة لمدة 1/2 ساعة, وبعدها اغسلي المنطقة كويس ونشفيها ورطبيها باي كريم مرطب, كرريها 3 مرات في الاسبوع لنتايج سريعة.

وصفة الفانيليا لتبييض الرجل وتنعيمها والتخلص من التشققات:

اخلطي كيسين فانيليا تقريبا بمقدار معلقة كبيرة مع معلقة كبيرة حنة بيضا واعجني الخليط بعصير الليمون تقريبا 2 معلقة كبيرة, قلبي المكونات كلها مع بعض كويس, الاول انقعي رجلك في مية دافية يكون فيها 1/2 معلقة كربوناتو ومعلقة كبيرة ملح, وسيبي رجلك تقريبا ربع ساعة وبعدين ادعكيها بالحجر الخفاف, بعدها خدي الخلطة حطيها على الكعب وعلى الرجل كلها وسيبيه 1/2 ساعة على الاقل لحد ما ينشف, وبعدها اغسلي رجلك بالمية ونشفيها ورطبيها بكريم مرطب بس يكون كريم تقيل زي كريم جليسوليد, او ممكن تستخدمي زيت زيتون او زيت لوز حلو.

مقالات متعلقه

وصفة طبيعية لازالة الشعر الزائد 1

وصفة طبيعية لازالة الشعر الزائد 1

اعملي مناديل ازالة المكياج بمكونات طبيعية

اعملي مناديل ازالة المكياج بمكونات طبيعية

وصفة طبيعية لبشرة خالية من العيوب

وصفة طبيعية لبشرة خالية من العيوب