نصايح ليلية لجمالك باستخدام العسل
1- علاج الشفايف الجافة: اعملي تقشير للشفايف بالسكر وزيت الزيتون وبعدين ادهنيها طبقة رقيقة من العسل قبل النوم, هتصحي تاني يوم شفايفك ناعمة جدا.
2- علاج حب الشباب: ادهني اماكن حب الشباب بالعسل وحطي عليها لاصق طبي, وسيبيه طول الليل واغسلي البشرة الصبح بالمية.
3- علاج اطراف الشعر المقصفة والمنقسمة: اخلطي كميات متساوية من العسل وزيت الزيتون, وادهني اطراف الشعر بالخليط وسيبيه طول الليل هيساعد على ترطيب وعلاج الاطراف الجافة المقصفة.
4- لبشرة نضرة: اخلطي العسل مع ضعف الكمية جل الالوفيرا, ادهني بشرتك بالخليط ده قبل النوم وسيبيه طول الليل واغسليه الصبح.
5- لتفتيح الشعر: اخلطي العسل مع شاي الكاموميل, حطي الخليط في ازازة سبراي, ورشي الشعر كله وغطيه بكيس بلاستيك, وسيبيه طول الليل واغسليه الصبح.
6- علاج ندبات حب الشباب: ادهني طبقة رقيقة من العسل على الندبات قبل النوم وسيبيه طول الليل واغسليه الصبح.
7- التخلص من الرؤوس السودا: اخلطي العسل مع عصير الليمون, ادهني مكان الرؤوس بالخليط قبل النوم, وسيبيه طول الليل واغسليه الصبح.