علقي السويتر بشكل صح عشان تحافظي عليه

السويتر او البلوفر الشتوي احيانا بعد فترة ممكن نلاقيه اتمط او شكله اتغير وده بسبب اننا بنعلقه على الشماعة بطريقة غلط, عشان كده النهاردة هنقولك ازاي تعلقيه بشكل صح عشان تحافظي على شكله.

1- حطي البلوفر على اي سطح مستوي اتنيه نصين بالطول وخلي الناحية اللي من قدام هي اللي من بره.

2- حطي الشماعة فوقيه وخليها مقلوبة لتحت بحيث الجزء اللي بتتعلق منه الشماعة يكون عند الجزء بتاع الابطين.

3- اتني الجزء اللي تحت من البلوفر لفوق على الشماعة.

4- والكمين اتنيهم فوق البلوفر بالعكس.

5- اخر حاجة اعدلي الشماعة, وعلقيها في الدولاب عادي.

بالطريقة دي هتحافظي على البلوفر بتاعك انه يتمط او شكله يتغير.