عالجي تساقط الشعر بالشمر

بذور الشمر بتحتوي على فيتامين A, B, C والفيتامينات دي بتساعد على تنشيط وتقوية بصيلات الشعر, والنهاردة هنقولك وصفتين لمنع تساقط الشعر باستخدام الشمر.

الطريقة الاولى:

هاتي كمية من الشمر المطحون مناسبة لطول وكثافة شعرك, اخلطي معاهم كمية من زيت جوز الهند بحيثت يكون الخليط ولا سميك ولا سايل, دفي الخليط شوية على النار, وبعدها دلكي بيه فروة الراس والشعر كله وغطيه بطاقية او كيس بلاستيك, سيبيه لمدة 40 دقيقة, وبعدها اغسلي الشعر بالمية الدافية والشامبو, كرريها مرتين في الاسبوع.

الطريقة التانية:

ضيفي 3 معالق كبيرة شمر مطحون لكوبايتين مية مغلية, غطي الخليط وسيبيه 15 دقيقة, وبعدين صفيه, واستخدميه لشطف الشعر اخر شطفة بعد غسلة بالمية والشامبو بالطريقة العادية