طريقة لعمل الصن بلوك بمكونات طبيعية

الوصفة اللي هنقولها لبنات حوا النهاردة هي وصفة لعمل الصن بلوك بمكونات طبيعية تماما, والوصفة دي مش بس بتحمي البشرة من الشمس, لكن كمان بتفتح البشرة, بتعالج تصبغات الجلد, بتعالج البقع الغامقة, وبتعالج التجاعيد المبكرة.

المكونات:

من 3 – 4 معالق كبيرة سمسم.

من 4 – 5 معالق كبيرة مية ورد.

معلقة كبيرة من جل الالوفيرا.

معلقة كبيرة من زيت السمسم.

كام نقطة من زيت فيتامين E او كبسولة.

الطريقة:

اطحني السمسم في الخلاط لحد ما يبقى بودرة ناعمة, حطي السمسم المطحون في طبق وضيفي ليه مية الورد, وقلبيهم مع بعض لحد ما توصلي لخليط متجانس, حطي الخليط على شاشة وصفيه كويس, خدي اللي السائل اللي طلع منه ضيفي له جل الالوفيرا وزيت السمسم وزيت فيتامين E, امزجي المكونات كلها مع بعض كويس, وكده يبقى الكريم جاهز عندك, احفظيه في اي برطمان زجاج صغير محكم الغلق, الكمية دي هتقعد معاكي تقريبا اسبوعين لو استخدام يومي.

قبل ما تخرجي في الشمس ادهني بشرتك كلها وايدك بالكريم, ولو هتحطي مكياج ادهنيه على البشرة وسيبيه حوالي ربع ساعة البشرة تتشربه كويس وبعدين حطي المكياج بتاعك عادي.