طريقة عمل سيروم قبل المكياج لترطيب وتغذية البشرة وحمايتها من اثار المكياج

ريهام محمود
ريهام محمود
4527

ممكن يكون في كتير مننا بيلاحظ في الفترة الاخيرة في معظم فيديوهات المكياج انهم بيحطوا قبل المكياج منتج شبه الزيت شوية, المنتج هو بيكون سيروم بيساعد على ترطيب البشرة وتنعيمها قبل المكياج, وبيمنع تشقق وتكتل المكياج والخطوط على البشرة اللي في كتير بيعاني منها, ده غير انه بيحمي البشرة من اثار المكياج لانه بيعمل زي عازل بين البشرة والمكياج وبيخلي البشرة في النهاية شكلها ناعم ومخملي جدا, وفي ماركات كتير منزله من سيروم البشرة ومن اشهرها سيروم Farsali, لكن احنا النهاردة هنقولك طريقة سيروم قبل المكياج تعمليه بنفسك بمكونات طبيعية في البيت.

المكونات:

1 معلقة كبيرة من زيت اللوز الحلو.

1 معلقة كبيرة زيت فيتامين E.

1 معلقة كبيرة من صبار الالوفيرا.

الطريقة:

الطريقة بسيطة وسهلة جدا هتخلطي كل المكونات مع بعض وتقلبيهم كويس جدا, وبعدها صبي الخليط في ازازة صغيرة بقطارة, او حطي المكونات كلها مع بعض في الازازة مباشرة وبعدين رجيها كويس جدا, وكده يبقى السيروم جاهز عندك, تحطي منه قبل المكياج من نقطتين لتلات نقط مش اكتر هتكون كافية جدا انها ترطب البشرة وتنعمها وتحميها من ضرر منتجات المكياج.

مكعبات زيت الزيتون وزيت اللوز:

في طريقة تانية لترطيب البشرة قبل المكياج هي مش سيروم لكن هي كمان طريقة بتساعد على الترطيب ومش بس كده كمان بتزيل الحبوب وبتفتح البشرة.

المكونات:

علبة زبادي.

1 معلقة كبيرة كمون.

1 معلقة صغيرة تقريبا من حبة البركة.

1 معلقة كبيرة من زيت الزيتون.

1 معلقة كبيرة من زيت اللوز الحلو.

1 معلقة كبيرة من زيت جنين القمح.

الطريقة:

اخلطي المكونات كلها مع بعض كويس, بوعدين صبيها في مكعبات التلج وحطيها في الفريزر لحد ما تتجمد, قبل ما تحطي المكياج خدي مكعب واحد ومرريه على البشرة كلها لحد ما يسيح كله على البشرة, واعملي نفس الطريقة كل مرة قبل وضع المكياج.

مقالات متعلقه

وصفة طبيعية لازالة الشعر الزائد 1

وصفة طبيعية لازالة الشعر الزائد 1

اعملي مناديل ازالة المكياج بمكونات طبيعية

اعملي مناديل ازالة المكياج بمكونات طبيعية

وصفة طبيعية لبشرة خالية من العيوب

وصفة طبيعية لبشرة خالية من العيوب