طريقة عمل الهايلايتر

ريهام محمود
ريهام محمود
2362

كلنا عارفين الهايلايتر هو اللمسة النهائية للمكياج اللي بتدي اضاءة للوش, والنهاردة هنقولكم ازاي تعملوا الهايلايتر البودر او المضغوط والكريمي في البيت بطريقة سهلة.

الهايلايتر البودر:

هتحتاجي ايشادو بيلمع يكون قديم عندك ومش بتستخدميه, لو بشرتك فاتحة اختاري ايشادو بلون عاجي, ولو سمرا الافضل تختاري لون برونزي, وكحول طبي مش اقل من 70%.

كسري الايشادو وخليه ناعم خالص, حطي عليه كام نقطة كحول, ومتكتريش لاننا عايزين الخليط يكون متماسك وناشف مش طري, يعني ضيفي بس كام نقطة, قلبي الايشادو مع الكحول كويس, بمعلقة صغيرة حطي خليط الايشادو في اي علبة مكياج عندك او حطيها في علبة الايشادو اللي فضتيها, واضغطي عليه كويس بالمعلقة, وبعدين هاتي منديل حطيه فوق الايشادو وهاتي اي حاجة صغيرة على قد العلبة كده واضغطي بيها فوق الايشادو عشان يتماسك كويس في بعضه او ممكن تستخدمي المعلقة بس اضغطي عليها كلها كويس, وكده يبقى الهايلايتر بتاعك جاهز سيبيه ينشف حوالي 12 ساعة وخلي العلبة مفتوحة عشان ينشف كويس, وبعدين استخدميه بالطريقة العادية حطيه على البشرة بالفرشة.

الهايلايتر الكريمي:

هنستخدم ايشادو بيلمع, وكريم مرطب, حطي الايشادو في العلبة ونعميه كويس عشان ميبقاش فيه اي كتل, اخلطي معاه الكريم المرطب واحدة واحدة, لحد ما توصلي للقوام اللي انتي عايزاة, وبكده الهايلايتر الكريمي بتاعك يبقى جاهز بكل بساطة.

مقالات متعلقه

استخدمي قلم حواجب بني غامق لعمل كونتور للوش

استخدمي قلم حواجب بني غامق لعمل كونتور للوش

استخدمي الايشادو اللامع بديل للهايلايتر

استخدمي الايشادو اللامع بديل للهايلايتر

حطي البلاشر في المكان الصح

حطي البلاشر في المكان الصح