طريقة عمل الدلكة السودانية لتفتيح وتنعيم الجسم

فوايد الدلكة السودانية:

1- بتخلص الجسم من خلايا الجلد الميتة وبتجدد البشرة.

2- تفتيح المناطق الغامقة وتبييضها وتوحيد لونها “الكوعين, الركبتين, تحت الابط, المنطقة الحساسة”.

3- بتدي نشاط وحيوية للجسم لانها بتنشط الدورة الدموية.

4- بتنعم وترطب وتغذي الجلد بشكل فعال جدا.

5- بقلل ظهور الشعر الزائد.

6- بتشد الجلد.

7- بتشد الترهلات.

الدلكة ليها طريقتين هنعرف مكوناتهم وطريقتهم مع بعض.

– دلكة البرتقان:

المكونات:

كوب كبير أرز مطحون.كوب صغير عدس مطحون.معلقتين ترمس مطحون.معلقه حلبه مطحونه “ممكن مضيفوهاش لو مش حابين الريحة بتاعتها”.كوب قشر برتقال مجفف مطحون.معلقه كبيره زيت سمسم.معلقة كبيره زيت زيتون. معلقة كبيره زيت لوز مر.حبة بطاطس كبيره مسلوقة. حبتين جزر مسلوقة.كوب مية ورد.معلقتين كبار دقيق ابيض عادي معلقتين عصير ليمون.معلقه مسك مطحون ناعم.

الطريقة:

اهرسي البطاطس والجزر, وبعدين ضيفي عليهم باقي المكونات وقلبيهم مع بعض كويس, حطيهم على نار هادية مع التقليب بمعلقة خشب لحد ما الخليط يبقى متجانس وقوامه وسط ولو لقتيه محتاج يطرى شوية ممكن تزودي له شوية مية ورد تاني.

حطي الخليط في علبة محكمة الغلق, واحفظيه في التلاجة لحد ما تيجي تستخدميه, خدي منه بالمعلقة على قد ما هتستخدمي.

– دلكة دقيق الذرة:

كوب دقيق ذرة او ردة.

كوب صغير ترمس مطحون.

كوب نشا.

كوب صغير حمص مطحون.

معلقتين كبار قرنفل مطحون ومنقوع في فنجان مية ليلة كاملة.

كوب مية ورد.

معلقة زيت لوز مر.

معلقة زيت سمسم.

معلقة زيت زيتون.

معلقة مسك مطحون.

معلقتين عصير ليمون.

الطريقة:

نفس طريقة دلكة البرتقان.

طريقة الاستخدام:

اغسلي الجسم بمية دافية, خدي كمية من الدلكة وابدأي دلكي الجسم في حركات دائرية لمدة خمس دقايق على الاقل, وبعدين سيبيها على الجسم لمدة 10 دقايق لحد ما تنشف خالص, بعدها حطي كام نقطة من زيت زيتون او زيت لوز حلو على ايدك وافركيها لحد ما تقع من على جسمك لمدة متقلش عن 10 دقايق عشان تتخلصي من كل الجلد الميت, بعدها اغسلي الجسم بالمية بس من غير صابون, وادهنية كريم مرطب.