شد ترهلات المنطقة الحساسة بمكونات طبيعية

المنطقة الحساسة بتتعرض للترهل لاسباب كتير منها استخدام السويت, والتقدم في العمر, وزيادة الوزن, والنهاردة هنقولك اكتر من وصفة لشد ترهلات المنطقة الحساسة, ومش بس كده كمان بتساعد على تفتيحها.

وصفة النشا ومية الورد:

اخلطي كميات متساوية من النشا واللبن بودرة, وضيفي لهم كوباية مية ورد, حطي المكونات كلها مع بعض على النار وسيبيها لحد ما تغلي, وبعدين ارفعيها من على النار وسيبيها تبرد, بعد ما يبرد خالص ضيفي له بياض بيضة وقلبيه كويس, بعدها طبقيه على المنطقة الحساسة وسيبيه ساعة وبعدين اغسليه بمية فاترة.

وصفة اللبان الدكر وخل التفاح:

اخلطي معلقة صغيرة من اللبان الدكر المطحون مع 1/2 كوباية مية ورد, وسيبيه منقوع لمدة ساعتين على الاقل لحد ما اللبن يدوب في مية الورد خالص, هاتي مكعبات تلج حطيها في طبق وسيبيها تسيح خالص ويبقى عندك مية باردة او استخدمي على طول مية تكون ساقعة اوي, ضيفي لها كام نقطة خل تفاح, قلبيهم مع بعض وبقطنة ادهني المنطقة بالخليط ده وسيبيه لحد ما ينشف وبعدين اغسليه, وبعدها ادهني المنطقة بخليط اللبان الدكر 3 مرات في اليوم, وكرري الوصفة يوميا.

وصفة زيت الزيتون والليمون:

اخلطي معلقة كبيرة زيت زيتون مع معلقة كبيرة مية ورد وعصير 1/2 ليمونة, قلبيهم مع بعض كويس, طبقي الخليط على المنطقة الحساسة وسيبيه 4 ساعات وبعدين اغسليه بمية دافية.

وبعد كل الوصفات وبعد غسيل المنطقة كويس وتنشيفها ادهني كريم مرطب, او ممكن تدهني زيت لوز حلو او زيت جوز الهند للترطيب.