سكراب لتفتيح البشرة والايدين

ريهام محمود
ريهام محمود
858

لو بشرتك اتعرضت لاسمرار سواء بسبب التعرض للشمس يوميا او بعد المصيف, النهاردة هنقولك على طريقتين لسكراب هيساعدك على تفتيح بشرتك, وكمان الايد.

سكراب النشا:

المكونات:

2 معلقة كبيرة طحينة.

معلقة كبيرة نشا.

2 معلقة كبيرة لبن بودرة.

مية ورد.

الطريقة:

اخلطي النشا مع الطحينة واللبن البودرة وبعدين زودي مية الورد بالتدريج لحد ما يتكون عندك خليط متجانس, وزعي الخليط على بشرة الوش والايد, سيبيه لمدة 15 دقيقة وبعدين اغسليه بمية فاترة, كررية من مرتين لتلات مرات في الاسبوع.

سكراب الترمس:

المكونات:

3 معالق كبيرة ترمس مطحون.

2 معلقة كبيرة من زيت اللوز الحلو.

3 معالق كبيرة سكر خشن.

لبن.

الطريقة:

اخلطي الترمس مع زيت اللوز والسكر, وبعدها ضيفي اللبن بالتدريج وقلبيهم مع بعض لحد ما يبقى عندك خليط متماسك, اغسلي بشرتك بمية دافية عشان تفتحي المسام, وزعي الخليط على البشرة مع التدليك لمدة 3 دقايق, وبعدين سيبيه لمدة 20 دقيقة, وبعدها اغسليه بالمية, كرريه من مرة لمرتين في الاسبوع.

مقالات متعلقه

وصفة طبيعية لازالة الشعر الزائد 1

وصفة طبيعية لازالة الشعر الزائد 1

اعملي مناديل ازالة المكياج بمكونات طبيعية

اعملي مناديل ازالة المكياج بمكونات طبيعية

وصفة طبيعية لبشرة خالية من العيوب

وصفة طبيعية لبشرة خالية من العيوب