سكراب طبيعي لتقشير وتوريد الشفايف
1405
من المشاكل اللي بيعاني منها كتير من البنات هي مشكلة جفاف وتشقق الشفايف خصوصا في فصل الشتا, والنهاردة هنقولك على طريقة سكراب بسيط بمكونات طبيعية هيساعد على تقشير البشرة وتنعيمها وهيديها لون وردي طبيعي.
المكونات:
2 معلقة كبيرة ارز مطحون.
1 معلقة كبيرة سكر.
1 معلقة كبيرة لبن.
الطريقة:
اخلطي المكونات كلها مع بعض كويس, دلكي الشفايف بالخليط لمدة دقايق, بعدين سيبيه على الشفايف لمدة 30 دقيقة وبعدها اغسليه بمية فاترة, كرري الوصفة 3 ايام ورا بعض, وتقدري تكرريه تاني وقت ما تحتاجي.