خلطة الخميرة لفرد وتنعيم وتطويل وتكثيف الشعر

ريهام محمود
ريهام محمود
2366

الخميرة غنية بالفيتامينات والمعادن والاحماض الامينية والبروتينات المفيدة جدا للشعر بتساعد على تطويل وتكثيف الشعر, بتمنع التساقط, بتنعم الشعر وبتساعد على فرده, بتقوي فروة الراس, بتعالج مشكلة الثعلبة, بتمنع ظهور الشعر الابيض, والنهاردة هنشوف خلطتين بالخميرة.

الخلطة الاولى:

اخلطي معلقتين صغيرين خميرة فورية مع شوية لبن دافي وغطيها وسيبيها تتخمر, لما تتخمر وحجمها يزيد ضيفي عليها معلقتين صغيرين عسل نحل وربع كوباية لبن, حطي الخلطة على شعرك باستخدام فرشة الصبغة, ودلكيها في فروة الراس والشعر كله كويس, سيبيها لمدة ساعة وبعدين اغسليها.

الخلطة التانية:

هنجيب الخميرة الفورية حسب طول وكثافة الشعر هنضيف عليها عصير خيار تقريبا لكل معلقة كبيرة من الخميرة ضيفي عليهم 2 معلقة كبيرة عصير خيار, قلبيهم مع بعض كويس, بعدها غطي الخليط وسيبيه لحد ما يتخمر وحجمة يزيد, بعدها بفرشة الصبغة وزعي الخليط على الشعر وبعد ما تخلصي سرحيه بمشط خشب عشان توزعي الخليط كويس على الشعر كله بعدها غطي شعرك بكيس بلاستيك او فوطة سخنة وسيبي الخليط لمدة من 30 دقيقة لساعة, ومهم جدا ان الشعر يكون مغسول قبل ما نحط عليه الخليط ويكون رطب ولا مبلول اوي ولا ناشف.

مقالات متعلقه

تأثير المية الساقعة والسخنة على الشعر

تأثير المية الساقعة والسخنة على الشعر

نصايح ليلية لجمالك باستخدام العسل

نصايح ليلية لجمالك باستخدام العسل

افردي شعرك بالنشا

افردي شعرك بالنشا