حولي اي مانيكير عندك لمات او مطفي بأسهل طريقة
في كتير مننا بيحبوا المانيكير المات اوالمطفي بس ساعات في الوان بنبقى عايزينها مش بنلاقيها في المات, او يكون انتي عندك لون مانيكير بيلمع وعايزة منه مات فبدل ما تشتري واحد جديد, احنا هنقولكم النهاردة ازاي تحولوا اي مانيكير عندكم لمات بطريقة سهلة وبسيطة جدا.
اول حاجة هنحط المانيكير بتاعنا عادي جدا اي نوع واي لون انتي عايزاه.
تكوني مجهزة على النار طبق او اي حاجة فيه مية بتغلي حطي ايدك فوق المية من بعيد ووجهي الضوافر ناحية المية وسيبيها لمدة ثواني.
استني لحد ما المانيكير بتاعك ينشف هتلاقيه اتحول لمات ومافيش فيه اي لمعة خالص.
