حضري صابونة الالوفيرا لبشرة نضرة وخالية من العيوب

ريهام محمود
ريهام محمود
1142

جل صبار الالوفيرا معروف بفوايدة الكبيرة للبشرة, والنهاردة هنقولك على طريقة صابونة الالوفيرا تحضريها بنفسك في البيت, والصابونة ليها فوايد كتير جدا بتساعد على تخلص البشرة من الدهون الزيادة اللي ممكن تسد مسام البشرة وممكن تسبب حب الشباب وبالتالي ده هيمنع ظهور حب الشباب, بتساعد على تحفيز خلايا البشرة وتجديدها, وبتقلل من الخطوط الرفيعة والتجاعيد المبكرة.

المكونات:

اي نوع صابونة اطفال مبشورة, او اي نوع صابون طبيعي “صابون الغار او صابون زيت الزيتون”.

كوباية مية نقية.

معلقة صغيرة زيت زيتون.

معلقة صغيرة زيت جوز الهند.

معلقة صغيرة من زيت اللوز المر.

1/2 كوباية من جل صبار الالوفيرا.

الطريقة:

اخلطي المية مع جل الصبار وقلبيهم لحد ما يتجانسوا كويس مع بعض, ضيفي خليط الصبار على الصابونة المبشورة وحطيهم على نار هادية مع التقليب المستمر لحد ما الصابون يدوب, ارفعيه من على النار وضيفي كل الزيوت وقلبي الخليط كويس, صبيه في قوالب وسيبيه لحد ما يتجمد تماما, وبعدها استخدميه للبشرة والجسم.

مقالات متعلقه

وصفة طبيعية لازالة الشعر الزائد 1

وصفة طبيعية لازالة الشعر الزائد 1

اعملي مناديل ازالة المكياج بمكونات طبيعية

اعملي مناديل ازالة المكياج بمكونات طبيعية

وصفة طبيعية لبشرة خالية من العيوب

وصفة طبيعية لبشرة خالية من العيوب