بتستعجلي في حط الفاونديشن؟؟!
من الأخطاء الشائعة جدا في خطوات وضع المكياج هي الوقت بين الكريم المرطب وكريم الاساس, لو إنتي من البنات اللي بتستعجل في حط الفاونديشن ومش بتصبري لحد لما بشرتك تمتص الكريم المرطب يبقي إنتي كده بتعملي غلطة في مكياجك هتخليه هيبان متعرق ومش مظبوط ومش هيثبت معاكي على مدار اليوم, ده غير انه ممكن يطلع في هدومك لو بتلبسي بعد وضع المكياج.
عشان كده نصيحتنا بسيطة استني من دقيقتين ل 5 عشان بشرتك تمتص الكريم المرطب تماما,حطي الكريم وبعد كده استغلي الدقايق ديه في إنك تسرحي شعرك مثلا, لمعي الجزمة , ظبطي اللبس اللي هتلبسه وبعد كده ارجعي حطي الفاونديشن وكملي مكياجك.
