الوصفة اليابانية لشباب البشرة في اسبوع واحد

اليابانيات معروفين بشباب ونضارة بشرتهم وانهم دايما بيبانوا اصغر من سنهم, والنهاردة جايبين لبنات حوا وصفة يابانية قديمة هتخلي بشرتك تبان اصغر وهتحافظ على شباب ونضارة البشرة.

المكونات:

3 معالق كبيرة ارز.

1 معلقة كبيرة لبن.

1 معلقة كبيرة عسل نحل.

الطريقة:

اسلقي الارز في المية, اخلطي معلقة كبيرة من الارز المسلوق مع العسل واللبن, افردي الماسك على البشرة وسيبيه لحد ما ينشف وبعدين اغسليه بالمية اللي سلقتي فيها الارز.

الارز فيه خصائص مضادة للاكسدة قوية بتساعد على ترطيب الجلد وتحفيز الدورة الدموية في البشرة, وبيساعد على ازالة التجاعيد والتقليل من الالتهاب, ولافضل النتايج كرري الماسك مرة واحدة على الاقل في الاسبوع.