الطريقة الصح لاستخدام البيوتي بلندر لمكياج مثالي
البيوتي بلندر تعتبر من الادوات المهمة في المكياج لانها بتساعد على دمج كريم الاساس بشكل متساوي ومثالي على البشرة, عشان كده هنقولك ازاي تستخدميها بطريقة صح.
1- اول حاجة بلي البيوتي بلندر بالمية لحد ما يتضاعف حجمها لان المية بتمنع امتصاص السفنجة لكريم الاساس, بعد ما تبليها اعصريها كويس عشان تتخلصي من اي مية زيادة, وممكن بدل المية ترشي عليها مثبت مكياج.
2- وزعي كريم الاساس على البشرة على شكل نقط, وبعد كده ابدأي بالضغط على كريم الاساس بالبيوتي بلندر عشان تدمجيه على البشرة كويس, استخدمي طريقة الطبطبة في التوزيع واستخدمي الجزء العريض من البيوتي بلندر.
3- بعد ما توزعي كريم الاساس كويس على البشرة كلها, بالطرف المدبب للبيوتي بلندر حطي كريم الاساس في الاماكن الصغيرة اللي مش بيوصلها الجزء العريض, زي حوالين العين, والانف, وبكده تبقي خلصتي توزيع كريم الاساس بشكل مثالي وصح.
4- وعشان تنضفي البيوتي بلندر بعد ما تخلصي حطيها في شوية مية دافية مع كمية صغيرة من شامبو الاطفال, واضغطي عليها بالراحة لحد ما تنضف, بعدها اشطفيها بمية فاترة, وسيبيها تنشف في الهوا