اغسلي بشرتك بالمياة الغازية لبشرة متألقة

يمكن تكون المعلومة بتاعتنا النهاردة غريبة وهتستغربوها لما تعرفوها وهي غسل البشرة بالمياة الغازية او الصودا بدل المية العادية كعلاج جمالي للبشرة, وتعتبر الطريقة دي من افضل الطرق المستخدمة من النساء حول العالم, وخصوصا في الدول الاسيوية وبشكل خاص في كوريا هنلاقي انهم بيستخدموها تقريبا في معظم مراكز التجميل لجمال البشرة وكلنا بنشوف قد ايه بشرة الكوريات صافية وحلوة زي بشرة الاطفال وده سر من اسرار جمال بشرتهم هو استخدام الصودا.

فوايدها:

• – هتخلي بشرتك منورة ومشدودة في وقت قصير جدا.

– بتنضف المسام وبتقلل من حجم مسام البشرة وبتشدها.

• – بتنضف البشرة من الجلد الميت.

طريقة استخدمها:

هنجيب طبق كبير نقدر نحط فيه وشنا ونخلط كميات متساوية من الصودا “ممكن نستخدم سفن اب او سبرايت او اي نوع صودا من الشفافة” ونفس كمية الصودا هنحط مية عادية يعني لو هتحطي كوباية صودا حطي قصادها كوباية مية عادية وبعدين غطسي وشك في المية لمدة من 10 – 15 ثانية وبعدين نشفي بشرتك.

وممكن لو مش هتقدري تحطي وشك في الطبق ممكن تاخدي بقطنة وتمسحي بشرتك بالمية.

كرري الطريقة دي من مرتين لتلات مرات في الاسبوع, هتلاحظي الفرق والاختلاف في بشرتك بعد فترة قصيرة جدا