اعملي مرطب عميق للشعر بمكونات طبيعية

مرطب طبيعي للشعر بمكونات طبيعية بسيطة, هيساعد على ترطيب الشعر بعمق وتنعيمه جدا وهيغنيكي اي مرطبات او حمامات كريم ممكن تجيبيها من بره.

المكونات:

2 بيضة.

1 معلقة كبيرة زيت خروع.

1 معلقة كبيرة عسل نحل.

موزة متوسطة الحجم.

الطريقة:

في طبق اهرسي الموزة بالشوكة لحد ما تبقى ناعمة خالص مافيهاش اي كتل, ضيفي لها زيت الخروع والعسل والبيض, قلبيهم مع بعض كويس لحد ما المزيج عندك هيبقى شبه العجينة.

طريقة استخدامه:

اغسلي شعرك بالشامبو بالطريقة العادية, واشطفيه بالمية.

وزعي الخليط على الشعر كله من الجذور للاطراف.

سيبي الخليط على الشعر 5 دقايق على الاقل, لكن طبعا كل ما سبتيه اكتر هيعمل تأثير اقوى في تنعيم الشعر.

اغسلي الشعر بالمية بالطريقة العادية.

كرري الماسك مرتين في الاسبوع.