اعملي شنطة من تيشيرتك القديم !
عندك تيشيرت قديم مركون في الدولاب مش بتلبسيه ؟ النهاردة احنا هنقولك ازاي تستغليه بطريقة حلوة ومبتكرة هنعمل شنطة بالتيشيرت بطريقة سهلة وبسيطة جدا.
الخطوات:
1- هنجيب اي تيشيرت عندنا هنقلبه ونتنيه نصين بالطول.
2- هنقص من ناحية اليمين والشمال شكل نص دايرة من كل جنب.
3- هنيجي عند الجزء اللي تحت خالص في التيشيرت التنية اللي بيبقى فيها الخياطة نقصها.
هنمسك التيشيرت نلمة مع بعض من تحت ونجيب الجزء اللي قصيناه نربط بيه التيشريت كويس ربطتين, وبعدين نقص اي زيادة في الشريط ونخليه على قد الربطة بس.
4- نعدل التيشيرت بتاعنا بحيث الربطة هتبقى من جوه مش باينة, واخر حاجة لو انتي مستخدمة تيشيرت سادة او علية رسمة مش ملونة ممكن انتي تلونيها بألوان قماش وتغيري شكلها خالص, ولو التيشيرت اصلا ملون مش هتحتاجي ان انتي تعملي فيه اي حاجة.
وكده الشنطة بتاعتنا تبقى خلصت وجاهزة, ممكن تستخدميها لخروجاتك الصبح او للبلاج عملية وخفيفة وحلوة جدا.