اعملي بنفسك شمع لازالة الشعر باللبن والبيكنج صودا

ريهام محمود
ريهام محمود
2200

كل البنات بيعانوا من مشكلة الشعر الزيادة ودايما بنقعد ندور على اسهل الطرق وكمان اللي بتكون اقل الم لازالة الشعر, والنهاردة جايبين لكل بنات حوا طريقة شمع لازالة الشعر من الوش او الرجل او الايد بمكونات بسيطة جدا, وكمان لو استمريتي على الوصفة دي 3 شهور هتمنع ظهور الشعر في الجسم مرة تانية, ده غير انها بتنعم البشرة وبتساعد على تفتيحها.

المكونات:

2 معلقة صغيرة جيلاتين.

2 معلقة كبيرة لبن.

1/2 معلقة صغيرة بيكنج صودا “الكربوناتو”.

معلقة كبيرة عصير خيار.

الطريقة:

1- اول حاجة ابشري الخيار او اضربيه في الخلاط وحطيه في شاشة وصفيه وطلعي منه العصير بتاعة.

2- في طبق او بولة صغيرة اخلطي الجيلاتين مع اللبن مع الكربوناتو وعصير الخيار وقلبيهم مع بعض.

3- حطي الخليط في الميكروويف من 10 – 12 ثانية لحد ما يبقى ناعم ومافيش فيه اي كتل, او دوبيهم مع بعض على حمام مية سخنة.

4- دلوقتي باستخدام فرشة مكياج قديمة عندك او اي فرشة متوفرة افردي الخليط على المناطق اللي عايزة تشيلي منها الشعر.

5- سيبيه على البشرة لحد ما ينشف تماما.

6- بعد ما ينشف خالص ابدأي شيليه من على بشرتك عكس اتجاه الشعر, واحسن طريقة بدل ما تشديه ابدأي لفيه وابرميه لفوق من على البشرة, هتلاقي الشعر طلع مع الماسك.

  • – ودي الطريقة بالفيديو ممكن تشوفوها.

مقالات متعلقه

وصفة طبيعية لازالة الشعر الزائد 1

وصفة طبيعية لازالة الشعر الزائد 1

اعملي مناديل ازالة المكياج بمكونات طبيعية

اعملي مناديل ازالة المكياج بمكونات طبيعية

وصفة طبيعية لبشرة خالية من العيوب

وصفة طبيعية لبشرة خالية من العيوب