اعملي بنفسك ادراج لتخزين الميك اب

ريهام محمود
ريهام محمود
2212

كلنا بنعاني من اننا مش بنعرف نرتب الميك اب والمانيكير وفرش المكياج بتاعتنا وبنبقى حاطين كل حاجة منهم في مكان وممكن حاجة تتوه ونقعد ندور عليها, عشان نرتاح من المشكلة دي ونرتب مكياجنا كله في مكان واحد ومندوخش كل مره نيجي نستخدم حاجة, جايبين النهاردة لكل بنات حوا طريقة سهلة جدا لعمل ادراج لتخزين المكياج بتاعنا.

– كل اللي هنحتاجة اربع علب كارتون صغيرين اي علب عندك مش بتستخدميها تقدري تستغليها وتنفذي بيهم الفكرة.

– هنجيب تلات غطيان نفتح واحد منهم ونقص الاطراف بتاعته ونخلي المربع اللي في النص بس عشان ده هيبقى قاعدة الادراج بتاعتنا, والغطا التاني والتالت هنقص جنب واحد بس منهم عشان دول هيبقوا الجناب.

هنجيب الغطا اللي قصناه مربع عشان نعمله قعدة ونلزق فيه الاتنين التانين بالغرا او بالامير او باي لزق متوفرعندك, كده نبقى جهزنا القعدة والجناب.

هنجيب الغطا اللي فاضل عندنا نفتحه بردو ونقص الجناب بتاعته كلها وناخد المربع اللي في النص ونلزقه ورا وهيبقى ده ضهر الادراج, ونجيب علبة منهم نلزقها من فوق عشان هتبقى السقف بتاع التصميم بتاعنا.

وباقي العلب هتبقى هي الادراج اللي هنستخدمها نخزن فيها الحاجات بتاعتنا, ونعمل مثلا شكل فيونكة زي الصورة كده تبقى الايد بتاعة الدرج عشان نعرف نفتحة بسهولة وفي نفس الوقت تدي شكل جمالي , وممكن طبعا نزود عدد الادراج ونعمل الحجم اللي احنا عايزينه بنفس الخطوات اللي فاتت.

وكده يبقى ادراج التخزين جاهزة عندنا ومن غير اي تكلفة خالص, ياللا نفذوها وورونا الابداعات :) .

مقالات متعلقه

طريقة سريعة وسهلة لتضييق وسط البنطلون

طريقة سريعة وسهلة لتضييق وسط البنطلون

بالصور .. أفكار وتنسيقات إزاي تلبسي الجاكيت الجملي

بالصور .. أفكار وتنسيقات إزاي تلبسي الجاكيت الجملي

احمي الهدوم من بقع العرق

احمي الهدوم من بقع العرق