الاستعمالات المختلفة للكونسيلر

اتعرفي معانا علي الاستعمالات المختلفة اللي ممكن تعمليها بالكونسيلر بتاعك:

1-لإخفاء الهالات ويفضل وضعة علي شكل مثلث:
الكونسلير مفروض يتحط تحت العين علي شكل مثلث, يعني من تحت العين لحد جنب الأنف ومش علي شكل نص دايرة, نص الديرة بتخلي تحت العين يبان منفوخ ومكلعكع.

2- استعمليه عشان تصلحي من اخطاء الأيلينر بفرشة رفيعة:
لو ايديكي اتهزت ولغبطي خط الأيلينر, بدل ما تمسحي عينك وتبدأي من الاول.. لمسة من الكونسيلر بقطنة ممكن تعمل عجايب في تنضيف اللغبطة :) وكملي رسمة عينك عادي جدا ..

3- عشان تبرزي جمال عينيكي بلوك طبيعي:
امزجي الكونسيلر في ال 3 اماكن ديه من عينيك هيفتح لونها وهيبرز رسمتها (زوايه العين ، وسط العين، وفقط تحت عضمة الحاجب ) وبعدين امزجيهم بصوابعك وحطي بس المسكرا.

4- بفرشة ارسمي حوالين شفايفك بالكونسيلر:
ده هيبرز رسمة شفايفك وهيخلي حوالين شفايفك نضيف وإن الروج ميبهتشي عليه.

5- عشان تخلي المنطقة اللي تحت حاجبك مشدودة ورسمة حواجبك تبان:
ارسمي بالكونسيلر خط تحت وفوق الحاجب وبعد كده امزجيه بصوابعك هيحدد حواجبك ورسمة عينيكي.

6- حطي علي عينك طبقة من الكونسلير قبل وضع الايشادو:
لو الايشادو بتاعك بيسيح ومش بيكمل معاكي اليوم هتلاقي الايشادو ثبت وكمان شكله بقي احلي ولونه بقي بارز أكتر.