ازاي تتخلصي من تأثير السكر لو اكلتي حلويات كتير ووزنك ميزدش

كلنا عارفين ان اكتر حاجة بتزود الوزن هو السكر, وكتير من البنات للاسف بيضعفوا قدام الحلويات وتكون النتيجة في النهاية ان وزنهم بيزيد, طيب لو اكلتي كمية كبيرة من الحلويات ازاي تقدري تتخلصي من تأثير السكر اللي دخل جسمك ووزنك ميزدش, تعالوا نعرف مع بعض.

1- متاكليش نشويات في نفس اليوم اللي اكلتي فيه حلويات, لان الجسم لازم يحرق السكر في اسرع وقت لان كل ما قعد في الجسم فترة اطول ده هيسبب ضرر اكتر, وكلنا عارفين ان النشويات بتتحول في الجسم لسكريات وبالتالي ده هيزود كمية السكر اكتر في الجسم.

2- اشربي كمية مية كتير بعد اكل الحلويات, لان المية بتساعد الجسم انه يتخلص من العناصر الغذائية السامة بسرعة.

3- كلي خضروات نية, لما بتاكلي حلويات او حاجات فيها سكريات كتير ده بيرفع معدل الانسولين في الدم وده بيحول السكر لدهون في الجسم, والخضروات بتحتوي على نسبة عالية جدا من الالياف اللي بتعيد التوازن لمستوى الانسولين في الدم قبل ما يتحول لدهون, عشان كده لو اكلتي حلويات كتير كتري بعدها من اكل الخضروات زي البروكلي, والخضروات الورقية.