اختبار الشماعة عشان تجددي لبسك كل يوم
مشكلتنا دايما كبنات انه رغم انه ممكن يكون عندنا هدوم كتيرة ومختلفة الا اننا وقت لما بنبقى خارجين بنقف قدام الدولاب وتلاقى نفسك مش لاقية حاجه تلبسيها وفي الاخر تختاري طقم كنتي لسة لبساه وتسيبي لبس حلو جدا ومش بتلبسيه خالص، بس خلاص “بنات حوا ” لاقتلك الحل “اختبار الشماعة!” الحل السحرى هو انك تعرفى ازاى تعلقى الهدوم فى الدولاب. الفكرة كلها انك هتنزلى كل الهدوم اللى فى دولابك و تبدأى ترتبيها على شماعات بحيث تكون فتحة الشماعة لبرا مش لجوة ، و تتحدى نفسك فى انك كل يوم لمدة اسبوع تلبسى طقم ، ووبعد ماتلبسيه لما تيجي تعلقيه تاني الشماعة وترجعيه الدولاب هتخلى فتحة الشماعة لجوه كأنك بالظبط بتعلميه انه خلاص أتلبس عشان تجبري نفسك تاخدي غيره تاني يوم. بالطريقة دى هتعرفى انتى عندك هدوم قد ايه و تحسي بالاختلاف والتنوع فى مظهرك واللوك بتاعك كل يوم وكمان مش هتبقى مضطرة تكررى طقم واحد اكتر من مرة فى الاسبوع .