وصفة طبيعية لازالة الشعر الزائد

ماسكات ال Peel off احنا اتكلمنا عليها قبل كده انها بتساعد على تنضيف البشرة وازالة الرؤوس السودا, لكن مش هي دي بس فوايدها ليها فايدة كمان هايلة جدا وانها بتساعد على ازالة الشعر الزائد بشكل فعال والنهاردة هنقولكم على وصفة بسيطة جدا لازالة الشعر وتقدري تستخدميها للوش ولتحت الابطين ولاي مكان في الجسم.

المكونات:

بياض بيضة.

1/2 معلقة كبيرة نشا.

1 معلقة كبيرة سكر.

الطريقة:

اخلطي المكونات كلها مع بعض وقلبيهم كويس, حطي العجينة على اي منطقة عايزة تشيلي منها الشعر, سيبيها لحد ما تنشف ولو هتستخدميها تحت الابطين خليها رافعة ايدك لفوق لحد ما تنشف, بعد ما تنشف خالص قشريها من على البشرة, ولو شعرك كثيف ومتشالش كله من اول مرة ممكن تكرريها لحد ما تتخلصي من الشعر كله.