نضفي الكوتشي بتاعك وخليه يرجع كانه جديد

كلنا مش بنستغنى عن لبس الكوتشيهات يوميا تقريبا سواء في الجامعة او في الشغل او في خروجاتنا الصبح, لكن المشكلة اللي بتقابلنا خصوصا في الكوتشيهات البيضا لما بيتوسخ مش نعرف ننضفه ازاي ولا نرجعه زي الاول, عشان كده احنا النهاردة جايبين لكل بنات حوا طريقة تنضيف الكوتشي بطريقة سهلة جدا هترجعه جديد زي الاول.

هنحتاج نص كوباية خل, وربع كوباية صودا الخبز “الكربوناتو”, وفرشة سنان.

هنجيب طبق نحط فيه الخل وندوب معاه الكربوناتو وبفرشة السنان هنبدأ نفرك الكوتشي بالخليط ده ونركز على الاماكن المتوسخة اوي او اللي فيها بقع, بعد ما نفركه كويس جدا هنسيب عليه الخليط لمدة نص ساعة وبعدها نغسله بالمية ونسيبه ينشف, هتلاقوه نضف جدا ورجع كانه جديد.