ميست للبشرة الدهنية لتقليل المسام ولبشرة صحية

البشرة الدهنية زي ما كلنا عارفين دايما بتعاني من حجم المسام وزيادة افراز الدهون, النهاردة جايبين لكل بنات حوا طريقة ميست هيساعد على تقليل حجم المسام وتقليل افراز دهون البشرة وفي نفس الوقت هيحافظ على رطوبة البشرة.

كل اللي هتحتاجيه, باكيت كركدية او معلقة كبيرة كركدية, كام نقطة من زيت شجرة الشاي, مية, ازازة ببخاخ.

الطريقة:

اغلي المية وحطي فيها باكيت او معلقة الكركدية وسيبيها 10 دقايق, هاتي ازازة صغيرة املي نصها بشاي الكركدية وسيبيه يبرد, حطي مية لحد ما تملي باقي الازازة, وضيفي زيت شجرة الشاي, رجي الازازة عشان تخلطي كل المكونات كويس, احتفظي بيه في التلاجة, ورشي منه على البشرة كل يوم قبل النوم, وممكن تاخديه معاكي في الشنطة ترشي منه في نص اليوم لو حسيتي ان بشرتك شكلها مجهد وعايزة تنعشيها وتجدديها.