مناديل ازالة المكياج تعمليهم بنفسك في البيت

طريقة سهلة وبمكونات بسيطة لعمل مناديل ازالة المكياج في البيت.

المكونات:

1 ثمرة خيار.

1 كوب ماء مقطر “هنلاقيه في الصيدلية”.

4 معالق كبار زيت جوز الهند.

2 معلقة كبيرة زيت الخروع.

وسادات قطنية “هنلاقيها في الصيدلية”.

برطمان.

الطريقة:

1- قطعي الخيارة شرايح.

2- انقعي شرايح الخيار في المية المقطرة وسيبيها كام ساعة ممكن من الصبح لحد بالليل, لحد ما تلاقي المية بقى لونها اخضر فاتح.

3- شيلي شرايح الخيار من المية.

4- اخلطي زيت الخروع وزيت جوز الهند وسيحيهم مع بعض في الميكروويف من 30 – 45 ثانية او سيحيهم على حمام مية سخنة.

5- اخلطي الزيت مع مية الخيار.

6- حطي الوسادات القطنية في البرطمان.

7- حطي خليط مية الخيار فوق الوسادات القطنية.

8- احفظي البرطمان في التلاجة.

طريقة الاستخدام:

بكل بساطة هتاخدي وسادة قطنية من البرطمان وتمسحي بيها المكياج, والافضل انك تعملي كمية تكفيكي اسبوع ولما تخلص تعملي غيرها جديد عشان تجيب نتيجة افضل.