طريقة عمل ماسك تحت العين للتخلص من الهالات السودا

كلنا عارفين ال patches الكوري او الماسك الخاص بمنطقة تحت العين للتخلص من الهالات السودا اللي انتشر الفترة الاخيرة ، النهاردة هنقولك ازاي تعملي الماسك ده في البيت بمكونات طبيعية.

المكونات:

جيلاتين.

معلقة كبيرة بقدونس مفروم.

معلقة كبيرة نعناع مفروم.

معلقة صغيرة زيت لوز حلو.

الطريقة:

ضيفي للجيلاتين كمية ماية بسيطة ودوبيه في الميكروويف او على حمام ماية سخنة ، وضيفي له البقدونس والنعناع وزيت اللوز ، صبيه فوق ورقة زبدة وحطي ورقة تانية فوقية ، واضغطي عليه بايدك افرديه بحيث انه يبقى طبقة رقيقة ، سيبيه لحد ما يتماسك ، وقطعيه بالسكينة قطع واخدة شكل منطقة تحت العين ، حطيه تحت عينك لمدة 15 دقيقة ، وبعدها شيليه.

احفظي كمية الماسك الباقية في التلاجة لوقت الاستخدام.