طريقة عمل سيروم فيتامين سي لنضارة وتفتيح البشرة

سيروم فيتامين C ليه فوايد كتير جدا للبشرة, بيساعد على نضارة البشرة, تجديد البشرة, علاج التجاعيد والخطوط الرفيعة, تفتيح البشرة, والنهاردة هنقولكم اكتر من طريقة لعمل سيروم فيتامين C في البيت.

الطريقة الاولى:

هاتي اقراص فيتامين C من الصيدلية, خدي منها قرص او اتنين, حطيهم في طبق وضيفي عليهم كمية صغيرة من المية, سيبي الاقراص لحد ما تدوب خالص وبعدين ضيفي عليها معلقتين كبار جليسرين, قلبيهم مع بعض كويس, وكده يبقى السيروم جاهز عندك للاستخدام, احتفظي بيه في ازازة فاضية, وادهني منه كل يوم قبل النوم.

الطريقة التانية:

هاتي برتقان طازة, ابشري قشر 2 برتقانة, حطي القشر في طبق وحطي عليه كمية كافية من زيت الزيتون او زيت الجوجوبا او زيت اللوز الحلو, غطيه وسيبي القشر منقوع في الزيت ليلة كاملة, بعدها صفيه على مصفى واستخرجي منه الزيت بس, احتفظي بيه في ازازة, واستخدميه يوميا قبل النوم.

وفي طريقة تانية بقشر البرتقان, ممكن تجففيه وتطحنية ناعم, وبعدين تضيفي عليه اي نوع زيت من اللي قولناهم, سيبيه منقوع ليلة كاملة على الاقل, وبعدين صفية واستخدميه, وممكن تستخدميه على طول من غير ما تصفيه.