طرق لفك تشابك الشعر

بقلمريهام محمود فينصايح الشعر visibility392

كتير من البنات بيعانوا من مشكلة تشابك الشعر ومش بس الشعر المجعد والخشن اللي بيتعرض للمشكلة دي كمان الشعر الناعم, والنهاردة هنقولكم مجموعة طرق سهلة وبسيطة لفك تشابك الشعر

1- زيت جوز الهند:

زيت جوز الهند بيساعد جدا على ترطيب وتنعيم الشعر وفك التشابك, بعد ما تغسلي الشعر ادهنيه وهو مبلول بكمية بسيطة من زيت جوز الهند وسرحية بمشط خشبة سنانة واسعة.

2- خل التفاح:

ضيفي معلقة كبيرة خل تفاح لنص كوباية مية وصبي الخليط في ازازة سبراي, ورشيه على الشعر المبلول هيفك التشابك وكمان هيدي الشعر لمعة وهيعالج قشرة الشعر.

3- زيت الاطفال:

زيت الاطفال بيرطب الشعر جدا وبيحميه من الجفاف وبيساعد على فك التشابك, ادهني منه كمية بسيطة على شعر مبلول وسرحيه.

4- بلسم لفك التشابك:

ضيفي 1/4 كوباية بلسم اي نوع بتستخدميه ل 1/2 كوباية مية, وحطي الخليط في ازازة سبراي, رجي الخليط كويس ورشي منه على الشعر المبلول لفك التشابك.

5- العسل:

بعد غسل الشعر حطي عليه 5 معالق عسل نحل, سيبيه لمدة 10 دقايق, وبعدها اشطفي شعرك بمية فاترة.

6- المايونيز:

بعد غسل الشعر حطي عليه 3 معالق مايونيز وسرحيه بصوابعك, وبعدها اغسليه بمية فاترة.

7- زيت الجوجوبا وزيت اللوز الحلو:

اخلطي معلقتين من زيت الجوجوبا ومعلقتين من زيت اللوز الحلو ومعلقة جلسرين و10 نقط من زيت الروز ماري, وحطي الخليط في ازازة سبراي واملي باقي الازازة بالمية, رجي الخليط ورشي الشعروهو مبلول, ورجي الخليط كل مرة قبل الاستخدام.