الكربوناتو لنضارة البشرة وتفتيح منطقة ما بين الفخدين

البيكنج صودا او الكربوناتو من المكونات اللي موجودة في اي مطبخ ورخيصة وليها فوايد كتير جدا للبشرة, والنهاردة هنقولكم وصفات من الكربوناتو لنضارة البشرة ولتفتيح منطقة ما بين الفخدين.

ماسك الكربوناتو والطين لتنضيف ونضارة البشرة ومنع حب الشباب:

الطين بيساعد على تنضيف المسام من الافرازات الدهنية الزيادة اللي ممكن تسدها, والكربوناتو ليه خصائص مطهرة بتقضي على البكتيريا المسببة لحب الشباب والالتهابات.

مكونات الماسك:

3 معالق من الطين.

معلقة كربوناتو.

3 معالق من زيت الجوجوبا.

10 نقط من زيت اللافندر.

الطريقة:

اخلطي المكونات كلها مع بعض, وزعيها على البشرة مع التدليك لمدة 3 دقايق, وبعدين سيبيها لمدة 20 دقيقة, وبعدها اغسلي بشرتك بمية باردة.

وممكن تحتفظي بباقي الخليط في اي علبة نضيفة في مكان بعيد عن الشمس لحد ما تيجي تستخدميها تاني.

ماسك الكربوناتو لتفتيح منطقة ما بين الفخدين:

اخلطي 3 معالق كبيرة من الكربوناتو مع معلقة كبيرة مية لحد ما تتكون عندك عجينة, وزعيها على منطقة بين الفخدين, سيبيه لمدة 10 دقايق, وبعدين اغسليه بمية فاترة, وبعدها نشفيها ورطبي المكان باي كريم مرطب او بزيت اللوز الحلو, كرري الماسك من مرتين لتلات مرات في الاسبوع.