اعملي سناكس صحية وحافظي على وزنك

كلنا عارفين ان اكتر حاجة بتزود الوزن هي السناكس اللي بناكلها بين الوجبات كل ما نحس بالجوع اسهل حاجة اننا ناكل شيبسي او بطاطس محمرة او شوكولاتة وطبعا الحاجات دي كلها بتزود الوزن, عشان كده النهاردة هنقولك على سناكس صحي وسهل تعمليه وكل ما تحسي بالجوع ممكن تاكلي منه وهي قطرات الزبادي.

طريقتها سهلة جدا هتجيبي الزبادي العادية او زبادي بالفاكهة يعني اي نوع تفضليه وتحطيه في كيس الحلويات او اي كيس بلاستيك حطي فيه الزبادي واخرميه.

هاتي صينية وابدأي اعملي نقط بالزبادي جنب بعض بحجم متوسط او صغير حسب ما انتي عايزة.

حطي الصينية في الفريزر لمدة ساعة وبعدين طلعيها واستمتعي بالطعم اللذيذ هتبقى شبه الايس كريم بس صحية ومن غير ما تزود وزنك.