اعملي الحنة البيضا بنفسك في البيت لتفتيح البشرة والجسم

بقلمريهام محمود فينصايح البشرة visibility1636

احنا اتكلمنا قبل كده عن فوايد الحنة البيضا للبشرة والجسم وانها بتفتح البشرة وبتنعمها لكن المشكلة انها مش متوفرة في كل الاماكن ولو متوفرة بتبقى غالية, عشان كده احنا النهاردة هنقول لكل بنات حوا طريقة الحنة البيضا ازاي تعمليها بنفسك في البيت عشان تستخدميها لماسكات البشرة والجسم.

مكوناتها:

معلقة كبيرة دقيق.

معلقة كبيرة ترمس مر مطحون.

معلقة كبيرة لسان البحر مطحون ( وده اللي هو بيكون شبه العضمة ولونه ابيض وبنجيبه للعصافير عشان تنقر فيه وهتلاقوه موجود عند العطار وممكن تلاقوه باسم بلح البحر).

معلقة كبيرة فاصوليا بيضا مطحونة.

معلقة كبيرة لبن بودرة.

معلقة كبيرة ارز مطحون.

معلقة كبيرة نشا.

معلقة كبيرة فول سوداني مطحون ( السوداني العادي اللي احنا بناكله بس بيكون من غير ملح ).

ربع معلقة شبه بيضا مطحونة.

هنخلط كل المكونات دي مع بعض ونحتفظ بيها في اي علبة, ولما نيجي نعمل اي ماسك ناخد منها معلقة ونضيف عليها اي اضافات هنحطها, ولو للجسم نزود الكمية نحط مثلا تلات او اربع معالق مع اي اضافات تانية.