استخدمي توكة الشعر الدونات لتنضيف فرش المكياج

لو عندك توكة شعر دونات مش بتستخدميها ، هنقولك على حيلة بسيطة وفعالة جدا تستخدمي فيها التوكة.

وانتي بترسمي الايشادو على عينك وعايزة تغيري اللون وتحطي لون تاني ، بدل ما تمسحي الفرشة على ضهر ايدك ومش هتبقى فعالة والفرشة هيبقى لسه فيها بقايا لون ، حركي الفرشة على التوكة النسيج بتاعها هيلقط كل اللون من الفرشة وهتبقى نضيفة تماما لاستخدامها للون تاني من غير ما تخلط بين اللونين .

الحيلة دي هتسهل عليكي تنضيف الفرشة بشكل سريع اثناء وضع المكياج ، ولكن طبعا ده مش هيغني عن الغسيل الاساسي للفرش بالمية والصابون عشان تنضفي الفرش تنضيف شامل ، ولكن لو محتاجة بس تغيير لون بشكل سريع اثناء رسم الايشادو استخدمي الحيلة دي.