9 اكلات مفيدة جدا للصحة! اتعرفي عليهم
كلنا عارفين ان فى مأكولات احسن من غيرها و مهمة للحفاظ على صحتنا و وقايتنا من الامراض و الباحثين اعلنوا كمان ان فى اكل بيساعد مش بس على الوقاية لكن كمان على العلاج من الامراض و احنا انهاردة جايبنلكم انواع من المأكولات دى . تعالوا عرفوا معانا اكلات مفيدة جدا للصحة…
1 – الفلفل الحراق :
الفلفل الحراق من اهم مكونات الاكلات الهندية و المكسيكية لان الشعوب دول عرفوا قد ايه هو مفيد و بيساعد على علاج امراض كثير فى الجسم زى الالتهابات و تسكين الالم و الوقاية من الجلطة و السرطان و زيادة مناعة الجسم و الوقاي من السكرى .و المفأجاة كمان انه سبب مهم جدا فى حرق الدهون و خسارة الوزن خصوصا لو كلناه بعد كل وجبة .
2 – الثوم :
يعتبر من مضادات الاكسدة القوية و فيه مواد بتحافظ على القلب و الدورة الدموية و بتقلل الاصابة بأمراض البنكرياس و مفيد جدا لمرضى السكرى و اكتشفوا كمان ان لو مرضى القلب تناولوه بانتظام هيعالج امراضهم دى و يقللها .
3 – البيض :
من الاكلات اللى لازم نحرص عليها لو عايزين نخس و نزود صحة المخ لانه بيحتوى على اوميجا 3 اللى بيزود من صحة الدماغ و التفكير و مفيد كمان للجلد و هو يهتبر اكلة سعراتها الحرارية قليلة بس غنية جدا بالبروتينات و بتزود شعورنا بالشبع .
4 – البقول :
من اهم الاكلات الغنية بالبروتينات و الحديد و الالياف و طبيعتهم بتخليهم مصدر رائع للالياف عشان كده لازم نتناولهم اثناء الرجيم عشان نخس و نحس بالشبع لفترة طويلة و طرق طبخهم كثيرة و متعددة زى السلق و المعلبات و ان احنا نحطهم فى السلطة .
5 – اللبن :
مصدر رائع للكالسيوم و البروتين و قليل جدا فى النشويات و اكتشف الخبراء ان الناس اللى بتحرص على شرب اللبن دايما قدروا على خسارة وزن اكثر و اسرع من الناس التانية و كمان عظامهم اصبحت قوية اكثر بس نحرص انه يكون خالى الدسم عشان اللبن كامل الدسم لو كان تناوله كثير ممكن يزود الكوليسترول فى الدم .
6 – التونة :
التونة مليانة باحماض صحية و اوميجا 3 و الايودين اللى مهم جدا عشان صحة المخ و القلب و حسب كلام الخبراء لازم ناكل اسماك 3 مرات على الاقل فى الاسبوع لانها كمان بتزود من طاقة الجسم و بتساعد على اداء المهام اليومية بنشاط .
7 – اللوز :
مهم جدا فى خفض نسبة الكوليسترول فى الدم و تقليل الوزن و مليان فيتامين اى و الياف طبيعية بتساعد على صحة القلب و قوته و كمان مليان ماغنسيوم اللى بيساعد على تقوية الذاكرة و المخ .
8 – الجنزبيل :
اكتشف الخبراء انه بيساعد على التخلص من اوجاع المفاصل و العظام ز العضلات و التخلص من الاحساس بالرغبة فى القىء او دوار الحركة و لوكنتم من الناس اللى هضلاتها بتوجعها بعد التمارين احرصوا على تناول الجنزبيل فى وسط الاكل لانه كمان بيقلل من اوجاع المعدة و امراض القلب و كمان من اهم ممميزاته انه بيساعد على حرق الدهون بفاعلية .
9 – العسل :
العسل له خواص علاجية كثيرة جدا و بيحافظ على القلب و ضعط الدم و الالتهابات و المناعة ضد السرطان و كثير من الامراض التانية و كمان مفيد جدا فى التخلص من التهابات الحلق و الحبوب و يعتبر مضاد للاكسدة ممتاز .