إزاي تعملي مكياج العيون السموكي ؟
لو عندك مناسبة أو سهرة, وعايزة تباني مختلفة, جربي الطريقة ديه عشان تعملي مكياج العيون السموكي وكمان إزاي يثبت معاكي طول السهرة.
1- زي ما اتكلمنا كتير قبل كده إن عشان مكياج عيونك يثبت يبقي لازم نحت طبقة من كريم الاساس أو الكونسيلر علي الجفون قبل مانحط المكياج.
2- هنجيب قلم كحل بني أو اسود علي حسب لون الايشادو اللي هتعملي بيه السموكي وهنرسم بيه زي الخطوات اللي باينه في الصورة.
3- هنبدأ أول خط من اخر عينك وتشديه لحد نصف جفونك.
4- خط تاني بس المرة ديه من نص عينك.
5- من اخر الخطوط اللي رسمناهم في الأول هنرسم منهم كمان خطين بس المرة ديه بالعرض في الجفون.
6- حطي طبقة الايشادو ووزعيها فوق الجفن كله
7- بالفرشة امزجي الكحل المرسوم مع الايشدو اللي عليه, هتلاحظي إن الجزء ده بس من الجفون لونه بيغمك بس على نفس درجة الايشادو اللي إنتي حطيتها.
8- حطي طبقة الايلينير وبعدين المسكارا وبكدة تكوني عملتي مكياج السموكي ويثبت معاكي طول السهرة :)